Ganz verschiedn erlebm de Leut
en Advent und d’ Weihnachtszeit.
De oan mögn s’ oafacher und stád,
des wá(r) andre wieder z’ fád.
Hackbrettklänge rittern heut
mit Jubl, Trubl, Heiterkeit!

A gsunde Mischung wá(r) halt recht,
des is’s, was ih am liabern möcht.
Und trámá vo de Kinderjahr’,
wo d’ Welt nu voller Wunder war.
Hast glaubt, du kannst auf derer Erdn
wirklih z’friedn und glücklih werdn!