Schad, dáß d’ Landesschau neamd nutzt,

daß má uns Lándler außerputzt

und bei án Mords Bewerb erhebt,

wo denn dá Schönste vo uns lebt.

Streng getrennt Manner und Fraun -

Bua, da gábert’s was zán Schaun!

Zán Beigspiel mih - á lustiger Gsell!

Schau obm: des is koa Brezngstell!

Des is á Kultfigur in voller Pracht,

de obmdrei(n) nu recht freundlih lacht,

und ih findert’s gar net dumm,

hängts mir en „Mister Lándl“ um!